رسائل

من زمان وانا ليا احلام كتير.. ي احلام بتحقق واحلام بتتبخر واحلام بتنتهي واحلام بتتولد.. لكن كتير بتاكد ان في احلام كتير مؤجلة لغاية ما نحققها سوا

امور كتير عارف اني مش هوصلها إلا معاكي

عارف ده ومتاكد منه

يكفي جدا حلم الحب اللي بشوفه معاكي بينمو يوم ورا التاني

مش معنى ان النمو قليل انه مفيش نمو

الشجرة كل سنة واراقها كلها بتقع

لكن بتنمو وبتكبر عن السنة اللي قبلها

وزي ماهو في مواعيد الاوراق بتقع.. في مواعيد للاوراق الجديدة الخضرا الحلوة

وفي مواعيد للثمر

ومواعيد لنضوج الثمر

لكن ديما في نمو

برضو حبنا بينمو ويزيد

حتى لو كنا بنشوفه مش بينمو لكن هو بينمو بطريقته.. احنا بنعتني به والنمو جاى جاى